30авг-2025
Ózbekstan Respublikası Ǵárezsizligine 34 jıl!
Qanlıkól rayonı orayındaǵı «Jayxun» stadionında Ózbekstan Respublikası Ǵárezsizligine 34 jıl tolıwı múnásibeti menen “Watan ushın, millet ushın, xalıq ushın!” súreni astında bayram ilajları bolıp ótti.
Bayram qatnasıwshıları bayramǵa ózgeshe tayarlıqlar menen kelgen.
Bıyıl jana-jan Òzbekstanımızdıń óz aldına ullı maqset hàm wazıypalardı qoyıp, ullı jol tutqanınada mine 34 jıl tolıptı.
Álbette, 34-jıl bir jigittiń kamalgʻa kelip áyne kúshke tolgʻan, áyne jaslıq jiger menen keleshekke nıq qádem taslagʻan mártlerine teńlestiriledi.
Sol sıyaqlı Ózbekstan da dúnya jámiyetshiliginde óz ornına iye qúdiretli mámleket tiykarında aydın keleshekke qaray nıq qádem taslamaqta.
Bayram ilajında madeniyat úyi hám 19-sanlı balalar muzıka hám kórkem óner mektebi oqıtıwshı hám oqıwshıları konsert baǵdarlamaları menen qatnastı.
