04Dec-2025
Insan qádiri ushın…
3-dekabr – Xalıqaralıq mayıplardı sociallıq qorǵaw kúni múnásibeti menen Qanlıkól rayonında ótkerilgen ilajda rayon hákimi B.Sultanov, elimizde sociallıq qorǵaw siyasatı, mayıplıǵı bolǵan puqaralardıń bilim alıwı, kásip hám jámiyetlik belsendilikke jáne de keńnen tartıw baǵdarında jumıslarǵa toqtaldı. Prezidentimiz basshılıǵında jámiyette barlıq qatlamlar ushın teńdey imkaniyatlar jaratıw, inklyuziv ortalıqtı qáliplestiriw hám sociallıq ádillik principlerin bekkemlew tiykarǵı wazıypa etip belgilengeni atap ótildi.
Ilajda mayıplıǵı bolǵan shaxslardıń mashqalaları, olar ushın zamanagóy infrastrukturalar jaratıw, medicinalıq-reabilitaciya jumısların jetilistiriw jumısları atap ótildi.
Bul kún – tek ǵana járdemge mútáj insanlarǵa itibar hám húrmet belgisi emes, al jámiyetimizde insan qádirin joqarı qoyıw, puqaralardı awızbirshilik ruwxında tárbiyalawǵa qaratılǵanlıǵı menen áhmiyetli.19-sanlı balalar muzıka hám kórkem óner mektebi oqıtıwshılari konsert baǵdarlamaları menen qatnastı.
