«Bir Watan, bir el, bir bayraq» estafetası

«Bir Watan, bir el, bir bayraq» estafetası

Moynaqtan jol alǵan Watanımız bayraǵı qabıl etilgenine 34 jıl tolıwı múnásibeti menen «Bir Watan, bir el, bir bayraq» súreni astında ullı maqsetti sáwlelendiretuǵın «Bayraq estafetası» pútkil Qanlıkólshiler tárepinen joqarı ruwxıy hám siyasiy kóterińkilik jaǵdayında kútip alındı.
Bayram ilajında rayon hákimi B.Sultanov hám basqalar, milliy nıshanlarımızǵa bolǵan húrmet hám sadıqlıq, jas áwlad sanasında Watanǵa muhabbat, milletke sadıqlıq kórinisi  ekeni atap ótildi. Milliy maqtanıshımız bolǵan Ózbekstan Respublikası Bayraǵı saltantlı jaǵdayda qabıl etip alındı. Bul waqıt tek rámziy emes, al júreklerde mámleketke sadıqlıq hám pidayılıq sezimin jáne de bekkemleytuǵın umıtılmas máwrit boldı.
Áskeriy orkestrdiń hawazı, jaslar hám pútkil Qanlıkólshiler bayram quwanıshı astında estafeta qatnasıwshıları ózleriniń júrislerin dawam etti. 19-sanlı balalar muzıka hám kórkem óner mektebi oqıtıwshı hám oqıwshıları konsert baǵdarlamaları menen qatnastı.