27Dek-2025
Prezident shırshası sawǵaları
Qanlıkól rayonında Jańa jıl bayramı múnásibeti menen dástúriy «Prezident shırshası» ilajı ótkerildi. Bul quwanıshlı hám payızlı bayramda rayon hákimi B.Sultanov jıynalǵan balalar hám olardıń ata-anaların kirip kiyatırǵan Jańa jıl menen qızǵın qutlıqladı.
Ilaj dawamında mámleketimiz basshısı tárepinen balalarǵa qaratılıp atırǵan turaqlı itibar hám ǵamxorlıq, jas áwladtı hár tárepleme qollap-quwatlaw mámleketlik siyasat dárejesine kóterilgeni ayrıqsha atap ótildi. «Prezident arshası» bayramı balalardıń kewline quwanısh baǵıshlaw, olarda Watanǵa muhabbat, erteńgi kúnge isenim sezimlerin bekkemlewge xızmet etip atırǵanı atap ótildi.
Ilajda Prezident sawǵaları balalarǵa saltanatlı túrde tapsırıldı. Bul bolsa Jańa Ózbekstanda insan, ásirese, bala mápleri ústin ekeniniń ayqın kórinisi boldı.Bayramǵa 19-sanlı balalar muzıka hám kórkem óner mektebi oqıwshıları konsert baǵdarlamaları menen qatnastı.
